Arteixo Centro Comercial Aberto é a asociación das pequenas empresas de Arteixo: comercio, hostalaría, servizos e profesionais que compartimos un mesmo obxectivo común: facer de Arteixo un lugar no que todas queiramos vivir, traballar e quedar.Non somos só tendas. Somos cafeterías, ferreterías, estudios de tatuaxe, academias, clínicas, librarías, despachos, panadarías e moito máis. Representamos a vitalidade do tecido económico local. E facémolo desde un modelo sostible, humano e colaborativo, que busca o equilibrio entre o desenvolvemento económico, o benestar social e o coidado ambiental.

Arteixo CCA é a suma das forzas de moitas pequenas empresas e das persoas que están detrás delas: xente que escolle emprender aquí, que abre cada día o seu negocio e que coida da clientela co seu tempo, saber facer e implicación. Porque entendemos que o consumo local non é só unha cuestión de hábito, senón unha aposta colectiva polo presente e polo futuro da nosa vila.