Este ano vas ter máis tempo para escoller as mellores oportunidades de liquidación de stocks na Feira de Oportunidades de Arteixo CCA!!!
Coma sempre a 1ª fin de semá de marzo, pero esta vez cunha tarde a maiores, así que o venres, despois de traballar, anímate a estar entre os primeiros visitantes, xa que a feira abrirá as suas portas:
VENRES 4 de Marzo: 16 a 21 horas
SÁBADO 5 de Marzo: 10 a 21 horas
DOMINGO 6 de Marzo: 11 a 19 horas
Estará ubicada de novo nunha grande Carpa, na Explanada das Festas, na Avda. de Fisterra, e a carón da Oficina de Turismo de Arteixo, e rodeada dos vehículos de Ocasión da V Edición da FEIRA AUTO-ARTEIXO, xa que os vehículos estarán expostos de novo nos aparcamentos que rodean a explanada das Festas, constituindo as duas feiras (Oportunidades e Vehículos de Ocasión) un “todo” compacto para ofrecer maior comodidade, variedade e vistosidade aos visitantes e clientes.
Os visitantes atoparán uns 100 vehículos de Ocasión que se poderán ver e mercar na exposición de AutoArteixo, e dentro da Carpa da Feira de Oportunidades atoparemos as xa coñecidas e esperadas oportunidades de roupa e calzado infantil, de home e muller, pero moitos máis productos, como lenzaría, perfumería, estética, complementos, menaxe, cupcakes e doces de Pascua, ópticas, artesanía en coiro, xoguetería, e servicio de cafetería para poder descansar, tomar refrescos, café ou mesmo comer na feira.
Temos a disposición unha enorme, agradable e cómoda superficie para pasear, atopar productos e servizos moi variados e para todos os gustos e necesidades, mercar boas oportunidades, tomar algo, e pasar un bo día en Arteixo.
O ocio e a comodidade, ademáis de cs servizos de cafetería, está procurado coa nosa habitual zona infantil pechada e vixiada onde os nenos a partir de 3 anos, serán atendidos por monitores especializados, mentres os maiores están paseando ou mercando.
Contaremos cos apreciados sorteos pero como novidade, nesta edición, celebraremos 2: un sorteo o sábado ás 17 horas, e outro o domingo ás 18:30 horas, media hora antes de pechar. Participarán no sorteo os clientes que leven comprado ata o momento do sorteo xa que obterán rifas con cada compra. Os premios son Vales regalo cos que mercar en calquera dos establcementos expositores (xa fora da feira) e impresionantes lotes de obsequios. Tampouco faltará a entrega do premio ao mellor stand da feira, cunha importante dotación económica para o establecemento gañador.
O CCA de Arteixco prepárase para recibir a uns 12.000 visitantes e consumidores de toda a comarca, mantendo a liña de edicións anteriores.
Este é o listado dos nosos expositores:
| Arteixo CCA | Asociación de comerciantes e Hosteleiros de Arteixo |
| ANA LA MODISTA DE LOS PEQUES | Moda Infantil a medida e persoalizada |
| BALNEARIO VISIÓN | Óptica e audiometría |
| BROOKLYN | Moda xoven |
| CALZADOS PASOS | Calzado |
| CALZADOS RAMOS | Calzado |
| CASUAL KIDS / CSK | Moda Infantil e Xuvenil |
| CORRECAMIÑOS | Calzado Infantil e Xuvenil |
| DON DINO | Xoguetería |
| DOUS ANDARES | Calzado Infantil |
| DULCES COCORICO | Doces artesáns e persoalizados |
| IN OFF | Zapas |
| LENCERÍA ENCAJE | Lencería e corsetería |
| LENCERIA MANEUX | Lencería e corsetería |
| LUZ FERRO | Artesanía de Galicia en Coiro |
| MEBÁ | Moda de Señora |
| MIRA HOME | Moda de Cabaleiro |
| ÓPTICA ROMAY | Óptica e audiometría |
| PERFUMERÍA MARUXA | Perfumería, cosméticos e complementos |
| PRATOS ROTOS | Menaxe |
| REBULIR | Moda infantil |
| SEA | Electrodomésticos e instalación |
| TRES SORRISOS | Moda infantil |
| TRISCOS | Moda xoven |
| ÁNCORA CAFÉ | Cafetería e Zona de Descanso |
| LA PINTXOTEKA | Cafetería e Zona de Descanso |
| ZONA INFANTIL | Zona para nenos de 3 a 12 anos con atención profesional |
| LISTAUTO | Vehículos de Ocasión e Mecánicas rápida |
| SENRA SPORT | Vehículos de Ocasión |
| D&D | Vehículos de Ocasión e Mecánicas rápida |
| ARTE MÓVIL | Vehículos de Ocasión e Taller |
Escoita a promoción
